山形新幹線超級攻略！列車服務、車票優惠和沿線車站詳解

山形新幹線係東北新幹線的支線，亦係唯一通往山形縣的新幹線。由東京站啟程，沿住東北新幹線的路線去到福島站 (Fukushima)，然後轉入山形新幹線，最終喺山形縣北部嘅新庄站 (Shinjō) 結束。

山形縣有兩樣既出名、又美味的手信 —— 車厘子同牛肉！呢度仲有好多山同溫泉小鎮，冬天嚟滑雪就啱晒喇。可惜的是，好似其他東北地區一樣，國際旅客大多都唔知道呢個地方。

山形新幹線沿途觀光景點推薦

• 1. 參觀藏王樹冰 (Zaō Snow Monsters) 去體驗一個與別不同的冬日仙景。
• 2. 既然一場來到，順道去藏王溫泉滑雪場 (Zaō Onsen Ski Resort) 滑雪吧。
• 3. 在米澤市的 (Yonezawa) 米澤和牛祭食返夠本！
• 4. 從山寺 (Yamadera) 眺望美麗的自然風景。
• 5. 在銀山溫泉 (Ginzan Onsen) 小鎮浸走身上的疲勞和肌肉酸痛。

山形新幹線提供的列車服務

由於山形新幹線係支線，所以只有翼號 (Tsubasa) 呢款列車服務。一般嚟講，翼號會喺大部分車站停站，但有時會飛站不停高畠站 (Takahata)、赤湯站 (Akayu) 同上山溫泉站 (Kaminoyama Onsen)。

翼號列車只有一卡係綠色車廂，其餘都係普通車廂，全部座位都需要提前預訂。

有時，翼號列車會同山彥號列車 (Yamabiko) 一齊行，直到福島站 (Fukushima) 先分開；之後翼號會繼續沿山形新幹線前往山形站或新庄站。

山形新幹線的車票和預訂座位

山形新幹線由 JR 東日本營運，你可以根據自己的旅行計劃，再決定購買單程票或鐵路通票。單程車票可以在 JR 車票辦公室，或在主要 JR 東車站內的新幹線車票自動販賣機購買。

另外，你也可以在 Eki-net 網上購買車票。這個網站不但有日文版和英文版，更設有繁體中文，只是不同版本間會有少許差異。在日文版的網站上，你可以購買到「Tokudane」特價車票；而在英文和繁體中文網站上則可以買到 JR pass。

想知道怎樣才可以在 Eki-net 上找到最抵的 JR 東日本車票、享受特別優惠和預訂導賞套票？請閱讀我們這篇購買特價 JR 東日本車票指南。

如欲了解更多購買新幹線門票和預定指定席的資料，可以參考我們這篇終極新幹線指南。

山形新幹線的行李限制

好消息係，山形新幹線唔受自 2020 年 5 月實行嘅新幹線行李管制影響，所以你仍然可以喺車廂內找到貯存行李嘅位置。不過，這亦意味著繁忙時段行李位置有限，你可以考慮提前將你的行李寄艙。

乘搭山形新幹線應使用甚麼周遊劵？

全國性嘅 JR Pass 鐵路通票包含咗山形新幹線。除此之外，以下嘅JR 東日本鐵路通票都可以用嚟乘搭山形新幹線：

• JR東日本鐵路周遊券（東北地區）：這張車劵涵蓋了由東京站前往新庄站的山形新幹線支線，仲包括全程嘅東北新幹線，秋田新幹線，連同其他喺關東嘅鐵路旅遊。
• JR東日本・南北海道鐵路周遊券：這張車劵同樣涵蓋來往東京站和新庄站的山形支線，仲包括北海道新幹線由東京站前往新青森站 (Shin-Aomori) 全程路段，之後直到新函館北斗站 (Shin-Hakodate-Hokuto) 的路程。當然仲有秋田支線同其他在關東地區內的鐵路旅程。

有關車票詳情，可以睇呢篇JR 東日整鐵路通票指南。

留意： JR東日本鐵路周遊券（東北地區）係其中一款可供非日本居民購買的鐵路周遊劵。

山形新幹線上的沿線車站

福島站 (Fukushima Station)

福島站位於福島縣的首府福島市。雖然不少人因為 2011 年嘅東北大地震、海嘯災難同核電廠事故而間接認識咗福島，但其實福島市同海岸一帶的核電廠同隔離區有一定距離。除此之外，福島市素來以大自然景點聞名，當地的櫻花同秋天紅葉係全日本其中一個最靚嘅地方。

福島站係市中心嘅主要大型火車站，唔單止可以搭新幹線同本地 JR 線，仲有獨立閘口通往 2 條私營鐵路線。車站仲設有巴士站，你可以喺度搭本地巴士或高速巴士。山形新幹線支線同東北新幹線主線正正喺呢度開始分段。

福島站附近有甚麼好去處？

由福島站出發，可以選擇巴士或火車輕鬆去到唔同景點。例如搭巴士前往市中心嘅信夫山公園 (Mt. Shinobu Park)，可以喺自然公園嘅靚景下行山。如果你喺春天到訪，仲有巴士帶你去花見山公園 (Hanamiyama Park) 觀賞馳名嘅櫻花。

如果想去福島縣立美術館，我們會建議你搭短程火車即可到達。另一邊廂，搭新幹線只需搭多幾個站就到白石藏王站，可以順道參觀埋藏王狐狸村添！仲想要多啲 idea？睇下我們嘅福島歷史武士景點指南。

米澤站 (Yonezawa Station)

米澤站位於山形縣的米澤市，在戰國時代 (1467 – 1615) 的米澤是個城堡小鎮。時至今天，依然屹立於市中心的城堡遺址已經搖身一變成為公園，於春天時份更是個賞櫻的熱門地點。同時，這個城市最為人熟悉的是高級和牛，每年適逢 8 月仲會舉辦米澤和牛祭！

米澤站係市內主要火車站，唔單止有山形新幹線服務，仲有另外 2 條本地 JR 東日本線。如果撞正肚餓，不妨試下當地聞名嘅牛角煮便當，喺牛仔造型嘅午餐盒入面裝滿高質牛肉呢。

米澤站附近有甚麼好去處？

由米澤站搭巴士好快就會去到舊城堡遺址附近的松崎公園 (Matsugasaki Park)。搭巴士仲可以去到好幾間博物館，如米澤市上杉博物館 (Yonezawa City Uesugi Museum)，和同東光酒造博物館 (Toko Sake Museum)。

赤湯站 (Akayu Station)

赤湯站位於高人氣嘅溫泉小鎮南陽市。城市名稱「赤湯」日文意譯為「紅色嘅水」流經小鎮，相傳幾百年前有士兵喺溫泉內洗傷口，血染紅了水而得名。但現今呢度嘅紅酒、拉麵同溫泉嘅名氣比呢個傳說來得更大。

雖然赤湯站係小鎮主要車站，但佢唔喺市中心，規模亦較細。提供嘅列車服務包括山形新幹線、本地 JR 線同私營鐵路線。

赤湯站附近有甚麼好去處？

市內溫泉區距離赤湯站大約 20 到 30 分鐘步行路程。到咗之後，你可以選擇停下腳步浸溫泉，或者繼續行去附近嘅烏帽子山公園 (Eboshiyama Park)。此外，你仲可以搭私營嘅山形鐵道花長井線 (Yamagata Railway Flower Nagai Line)。呢趟穿越日本鄉村嘅旅程沿途風光怡人，單程車程約 1 小時。

山形站 (Yamagata Station)

山形站位於山形縣嘅首府山形市，喺戰國時代 (1467 – 1615) 曾經係權力集中地。現今城堡遺址已改建成公園，只保留部分城堡殘骸，整個區域都成為賞櫻人氣地點。呢個城市仲有多姿多彩嘅夜生活，充滿各式各樣嘅日式居酒屋 (izakaya) 選擇。

在市中心的山形站係山形市主要火車站，提供新幹線服務之餘，仲有 3 條本地 JR 東日本線。

山形站附近有甚麼好去處？

舊城堡遺址加茂公園 (Kajo Park) 距離山形站只需步行約 5 分鐘，附近仲有山形縣立博物館 (Yamagata Prefectural Museum) 同山形美術館 (Yamagata Museum of Art)。如果想去山寺 (Yamadera)，建議搭火車，車程約 17 分鐘。

新庄站 (Shinjō Station)

新庄站位於新庄市，雖然係山形新幹線嘅終點站，但對遊客嚟講唔算特別吸引。不過，每年 8 月 24 日至 26 日，新庄市都會舉行超過 200 年歷史、全日本北部其中一個最盛大嘅節日 —— 新庄祭 (Shinjō Festival)。期間會有花車、遊行同音樂表演。

在市中心的新庄站是城市的主要車站，除新幹線外，車站還提供另外 3 條當地的 JR 東日本線服務。

新庄站附近有甚麼好去處？

坦白講，嚟呢度嘅十居其九都係本地人，因為車站附近甚至新庄市整體景點唔多。我哋建議你可以從車站步行 10 分鐘到東山公園，特別係夏天會有好多開得燦爛嘅繡球花。但除此之外，呢個城市冇乜特別嘢睇。

山形新幹線的常見問題

你可以用 JR Pass 乘搭山形新幹線嗎？

是的，你可以用 JR Pass 乘搭山形新幹線。不過請記住，全部座位都係指定席，所以請提前預訂座位

由東京站去山形車站的車程多久？

大概需時 2 個半小時，每小時都有班次由東京出發。

由東京站到山形站等單程車票要多少錢？

一般車資為 ¥11,000，但視乎季節需求可能有所調整。

東北新幹線和山形新幹線有甚麼分別？

山形新幹線係東北新幹線嘅支線：由東京站出發，沿著東北新幹線嘅路線行駛到福島站，然後山形新幹線會繼續前往米澤、山形和新庄等車站。

延伸閱讀：

• 秋田新幹線指南 —— 來往東京市和秋田市 (Akita) 的路線
• 上越新幹線指南 —— 來往東京市和新潟市 (Niigata) 的路線
• 北陸新幹線指南 —— 來往東京市和金澤市 (Kanazawa) 的路線
• 東海道新幹線指南 —— 來往東京市和大阪市 (Osaka) 的路線
• 山陽・九州新幹線指南 —— 來往東京市和福岡市 (Fukuoka) to 鹿兒島 (Kagoshima) 的路線
• 東海道・山陽新幹線指南 —— 來往大阪市 (Osaka) to 福岡市 (Fukuoka) 的路線
• 東北新幹線指南 —— 來往東京市和青森市 (Aomori) 的路線
• 北海道新幹線指南 —— 來往青森市 (Aomori) to 函館市 (Hakodate) 的路線

我們盡力確保以上資料為最新及準確資訊，但文章內容資訊均有機會隨時作出變更。中文版本由 Louise Lee 翻譯，在 2024 年 10 月 9 日首次刊登。